السلام عليكم:
راني شفت باللي المنتدى لم بنات وولاد من كامل انحاء الوطن العربي الحبيب الغالي و خصوصا **الجزائر**
أحم أحم وبما أنني جزائري بنات بلادي عزاز على قلبي حبيت نديرلكم هاد الشعر
راني رايح نبدا ببعض الولايات فقط ومبعد نكمل لخرين ماتخافوش راكم الكل جزائريات فحلاتأيا نبداو بعد بسم الله:
*****************************
ويدا شفتها سمرة ومسرارة
ويدها للخير مدرارة
التربية لحيا لفحولة والزينا
هديك راهي بنية قسنطينا
بنت الأصول بنت الجسور
بنت بلاد العلم والعلاما
بنت بلاد الفهامة والشهامة
*****************************
ويدا هدرت معاها وماردتش
خطفت قلب ومارجعتش
حوست عليها ومالقيتهاش
ياولدي الطفلة مربية ماتلومهاش
هديك راهي بنية ميلة
ويا الميلية حني عليا
***************************************
و كون نحكيلك على بنت العاصمة
كي نقعد معاها نلقاها حاكمة
و لدنيا بلا بيها تجي صامطة
ننصحكم بيها غير هي لي فاهمة
***************************************
مستغانمية و النار في قلبي gادية
دات كلشي ماخلات فيا شوي
نبغيها غير هي
حتى تلقاني المنية
***************************************
يا الشلفاوية يا مولات السنة الدهباوية
كل ما نشوفك نقول نجيكو من بعد نقول آآآآحاي عليا
غير هادي لي ملتقبلش بيا
بصح نتي فالصح تموتي عليا
***************************************
السطايفية بنت الفوارة
السطايفية شعلت فيا النار
من حبها راني مضرار
حبيت نجيبها عندي للدار
قالتلي في سطيف نعيش
ومن غير سطايفي مانحبش
***************************************
ويدا شفتها مليانة
وبالزين شحال راهي حليانة
من قلبها لبيض تعبانة
ديك الشابة راهي بنية تلمسان
******************************
راهي تمشي وتتقلش
والكلام لحلو من فمها سرابا
شكون ديك البابيشا الحبابة
راهي بنية عنابة
******************************
ماهي لبنانية ماهي طليانية
ماهي سويسرية ماهي مكسيكية
ماهي تركية ماهي سورية
راهي قبايلة بنت الشاوية
*****************************
زغرتو يالبنات زغرتو يالبنات
الوهرانية راهي جات راهي جات
بالزين والحنانة حنات وبالخير وللخير مشات
*****************************
السوفية بنت الشان
والسوفية بنت الرجال
خيري وختاري أنت المرجان
خيري واختاري أنت الأصل
********************
ونمشو نمشو و نرجعو غير للعباسية
بلا العباسية الجزاير غير قَلية
هي العمر و كل الدنيا
امالا قولو معايا تحيا العباسية
قالك يا خويا هادي في خاطر سكينة وحدها عباسية وأفتخِر
**********
--------------------------------------------------------------------------------
تحيتي ليكم بنات بلادي
موضوع: شعر هدية مني الى كامل بنات بلادي(الجزايريات) 
[/i]
