اللي عمرو ماضحك معايا يضحك (نكتة جزائرية)

قالك في وحد العصر في قديم الزمان كانو الرجال يصيدوالنساء باش ياكلوهم , كان وحد الراجل يمتهن هاذي الحرفة دا وليدو معاه باش يعلمو الصنعة أيا داه لوحد المكان وقالوا نقعدو هنا نستناو كاش مرا تفوت علينا نصيدوها .
أيا بقاو يستناو حتى فاتت عليهم مرا سمييييينة بزاف حتى الطفل قال لباباه أيا نصيدو هاذي , باباه قال لوليدو : كي تصيد هذي واش تاكل فيها , راهي غير شحم خليها تفوت نستناو وحداخرا .
فاتت مرا وحداخرا بصح ضعييييييييييييييفةبزاف الطفل قال لباباه : هاهي هاهي يا بابا أيا نصيدوها , باباه قالو : واش تاكل فيها هاذي راهي غير عظام خليها تفوت و نستناو وحداخرا.
فاتت مرا وحداخرا بصح هاذي المرة فاتت وحدة واش نقولكم الزين و لاطاي , حبة مالكبار ,شافها الطفل قالو : هاهي يا بابا هاهي أيا نصيدوها .
شاف ليها باباه و بدا يخمم و ممبعد قال لوليدو : نديرو وحد الراي ياوليدي , قالو وليدو : واش هو يا بابا , قالو باباه: مشي ندو هاذي لدار و ناكلو أمك
تحياتي